重新分析：究竟警察講嘅係「自由」定係「豬」？

我嘅答案喺最底，不過最好就問返當事人啦。

事緣係喺呢段片入面，有警察用粗口鬧市民。粗口部份清楚聽到係「閪」（粵拼：hai1），但係前面嗰部份，有人聽到佢講「自由」，有人聽到佢講「豬」。前者係非常創新嘅用法，後者係常見組合，所以好多人基於詞彙嘅理由覺得佢其實係講後者。究竟邊個先啱呢？

今日有人用頻譜分析去揾答案（睇下面）。佢嘅做法係用網上嘅單音節錄音合成，再比較合成出嚟嘅發音，同埋片段入面嘅發音，喺頻譜上有冇相似之處。而佢最後嘅答案係「豬」。我覺得呢個做法唔係太好：首先唔應該用唔同性別、年齡層嘅清晰合成錄音，去同充滿雜音嘅現場錄音比較，另外亦唔應該單憑肉眼比對頻譜去下定論。

我嘗試講講我認為正確嘅做法係點樣做，同埋最後得出乜嘢答案。懶得睇嘅可以直接掃去最底。

頻譜分析：究竟警察說的是「自由」還是「豬」？

首先由於現場太過嘈，我用 Audacity 清理咗雜音先。不過就算完全唔清理，相信應該都會得出同樣結果嘅。

Audacity — 未清雜音之前

Audacity — 清雜音後

變返做單聲道先